بايقاۋدا «كورىكتى عيمارات اۋلاسى», «ۇزدىك جاسىل اۋلا», «تازا كىرەبەرىس», «ۇزدىك پيك», «ۇزدىك ميب» سىندى اتالىمدار بويىنشا ۇزدىكتەر انىقتالدى. باس جۇلدە گاگارين كوشەسىندەگى 72/2 ءۇي تۇرعىنى شاريپا رىمباەۆاعا تابىستالدى. جەڭىمپازدارعا ماراپاتتاردى وبلىستىق ءماسليحات دەپۋتاتتارى, پارتيا فيليالدارىنىڭ باسشىلارى مەن قوعامدىق ۇيىم وكىلدەرى تاپسىردى.
اتالعان بايقاۋ رەسپۋبليكالىق «تازا قازاقستان» اكتسياسى اياسىندا ۇيىمداستىرىلدى. سول كۇنى ۇلىتاۋ وبلىسىنىڭ بارلىق قالالارى مەن اۋداندارىندا جاپپاي سەنبىلىكتەر ءوتتى. جەزقازعاندا جاستار مەن ەرىكتىلەردىڭ قاتىسۋىمەن ورتالىق كوشەلەر تازالانىپ, ساتباەۆ قالاسىندا ەكولوگيالىق مادەنيەتتى ناسيحاتتاۋعا ارنالعان شارا ۇيىمداستىرىلدى. قاراجال قالاسى مەن جايرەم كەنتىندە ساياباقتار مەن دەمالىس ورىندارى تازارتىلىپ, جاڭاارقا اۋدانىنىڭ ورتالىق الاڭىندا سەنبىلىك ءوتتى. ۇلىتاۋ اۋدانىندا اۋىل تۇرعىندارى مەن جاستاردىڭ قاتىسۋىمەن ەمبۇلاق وڭىرىندە تازالىق شاراسى ءوتتى.
ۇلىتاۋ وبلىسىندا جىل باسىنان بەرى جەتى وبلىستىق جانە سەگىز قالالىق سەنبىلىك ۇيىمداستىرىلدى. سونداي-اق اپتا سايىن «تازا بەيسەنبى» اكتسياسى تۇراقتى تۇردە وتەدى. جالپى «تازا قازاقستان» باستاماسىنا 44 مىڭنان استام ادام قاتىسىپ, 870 ارنايى تەحنيكا جۇمىلدىرىلدى, ناتيجەسىندە 3520 توننا قوقىس شىعارىلدى.
